مجموعة حنظلة - آشتا تا تا تا تا

أغنية آ شتا تا تا، المشهورة بنسختها الكاملة. جدير بالذكر أن هذه الأغنية ( لمجموعة حنظلة ) في الأصل ذات حمولة سياسية آتية من عهد الثمانينات.. في إطار الأغاني الملتزمة الثورية.. تتكلم عن الواقع السياسي والإجتماعي للشعب المغربي يامات النضال ديال بالصّح

آشتاتا تاتا، آ ولاد الحرّاثة
آ المعلم بوزكري، طيّب لي خبزي بكري
باش نعشّي وليداتي، وليداتي عند القاضي
والقاضي ما جاب خبار، المجاعة نايضة فالدّار
لا أتاي، لا سكّر
لا حليب، لا قهوة
غير الحيوط والخوى، يطيح الفار يتكوى

آشتاتا تاتا، آ ولاد الحرّاثة
آ المعلم بوزكري، طيّب لي خبزي بكري
باش نعشّي وليداتي، وليداتي عند القاضي
والقاضي راجل غلبان، ديما مبوّق ديما سكران
حالتو كاتشفّي العديان، يتسارى من بار لبار
خاشي فقنّوفتو سيجار
ماركة هافان يا أحرار، ثمنو يعشي دوّار

آشتاتا تاتا، آ ولاد الحرّاثة
آ المعلم بوزكري، طيّب لي خبزي بكري
باش نعشّي وليداتي، وليداتي عند القاضي
سمع يا فلان وقل لفلان، وقل يا فلان لفرتلان
والقاضي راجل مزيان
كا ياكل خبز الجيعان
كا يشرب دم الصبيان
كي تكسى بثوب العريان
منافق منّو ما كان
يبات الليل كلّو سكران
ويتوضى بعرق الكدحان
و يصلّي فدار السلطان

آشتاتا تاتا، آ ولاد الحرّاثة
آ المعلم بوزكري، طيّب لي خبزي بكري
باش نعشّي وليداتي، وليداتي عند القاضي
سمع يا فلان وقل لفلان، وقل يا فلان لفرتلان
والسلطان مراوغ فنان
حامي الدين والقرآن
حافظ الحدود من العديان
بالإجماع عايشة فأمان
الدستور كلّو بهتان
البرلمان عامر خرفان
الجمّاني أكبر برهان

آشتاتا تاتا، آ ولاد الحرّاثة
آ المعلم بوزكري، طيّب لي خبزي بكري
باش نعشّي وليداتي، وليداتي عند القاضي
حاجيتكم و ماجيتكم
على سيّد خاصو بولون
سمعو مزيان قولو لي شكون
هاذ السيد غمّض عينو
على فمّو ترسمت بسمة
و قال: آ الله على حلمة
تشهّيت جامع قاعو فالما
عندو صمعة واصلة للسما
خراو الفلوس بداو الخدمة

آشتاتا تاتا، آ ولاد الحرّاثة
آ المعلم بوزكري، طيّب لي خبزي بكري
باش نعشّي وليداتي، وليداتي عند السلطان